bonvolu iri al http://verdapensaro.one por novaj afiŝoj
Monday, July 19, 2021
Monday, February 22, 2021
Vakciniĝo - Trankviliĝo
Do finfine venis la momento ricevi la duan dozon de la vakcino kontraŭ KOVIM-19. Mi havis rendevuon en konstruaĵo de publika gimnazio en mia kvartalo kie samtage ankaŭ ricevis la duan vakcinon centoj se ne miloj da homoj. Kaj krom iom da laco kaj kapdoloro post la injekcio, kion sentis mi? Mi povas diri ke mi sentis trankviliĝon. Ne pro tio ke mi mem ricevis la vakcinon, sed pro tio ke almenaŭ miaurbe oni vere survojas al amasa vakcinado kaj tio simbolas la komencon de la fino de tiu ĉi terura ĉapitro en nia lastatempa historio. Ricevi ĝin estis klarigo kaj konfirmo de tio kio aŭdeblas en la novaĵoj jam de kelkaj semajnoj kaj okazas ĉie en la lando kaj espereble ĉie en la mondo. Necesos ankoraŭ pluraj monatoj por vidi la rezulton, kaj oni atendas ke meze de somero 2021 eblos doni ŝancon al ĉiuj en la lando havi la vakcinon.
Tamen, kiom da homoj akceptas la vakcinon? Ĝis nun mi konas statistikojn de unu malgranda grupo de proksimume kelkcent homoj, sed ene de tiu grupo akceptis la vakcinon proksimume duono. Duono tute rifuzis ĝin. Tiu fakto estas malfeliĉiga. Por atingi bonan amasan efikon de la vakcino necesos vakcini multe pli da homoj. Por restartigi kelkajn agadojn necesos kiel eble plej multe atingi 100% de vakcinado. Ekzemple, por denove malfermi lernejojn instruistoj devos ĉiuj vakciniĝi. Ĉu tio estos problemo? Ĉu oni devigos instruistojn vakciniĝi? Kion fari pri tiuj “hezitemaj” pri la vakcino. Tio estos granda defio post vakcinado de ĉiuj kiuj ja volas havi ĝin.
Espereble la venontaj monatoj alportos ne nur vivo-aludan belan printempan veteron sed ankaŭ simile vivo-aludan sukceson rilate al vakcinado de pli kaj pli da homoj. Samtempe ni restu singardaj kaj daŭre... lavu la manojn!
Sunday, January 31, 2021
Rekomenco kaj Registro
Post longa dormado rilate al verkado kaj esperantumado en al reto, mi reaperas. Tiun ĉi fojon mi venas al verkado serĉante renovigon. Renovigo de la emo verki. Renovigo de mia interesiĝo pri la estonteco. Renovigo de kontribuemo al esperantaĵoj surretaj. Eble tio ĉi estas nur ekzerco je mia kapablo imagi morgaŭon pli bonan. Ĉiuokaze, bonvenon.
Kio novas ekde la antaŭa afiŝo? Ve, kia demando! Kio okazis ĉe mi pli malpli okazis ĉe vi kaj tio estas sekreto al neniu, sed mi skribos ĝin ĉi tie ĉiuokaze, kvazaŭ terapie, kaj por la registro, ĉar mia memorkapablo estas ne tre fidinda kaj mi ne dubas ke mi eĉ volos forgesi tion ĉi.
Hodiaŭ estas la fino de januaro 2021. En Usono jam de kelkaj semajnoj oni komencis aŭdi pri haveblo de vakcino kontraŭ koronaviruso. La viruso disvastiĝas en Usono ekde januaro 2020, kaj ĝi draste ŝanĝis nian ĉiutagan rutinon ekde marto 2020. Ekde tiam estis parte aŭ tute fermitaj la teatroj, kinejoj, restoracioj, trinkejoj, kaj preskaŭ ĉie kie oni amase renkontiĝas kun aliaj homoj en grandaj kvantoj. Escepto estas superbazaroj. La terminon “socia distanco” oni eklernis kaj aŭdadas. Multaj homoj laboras de hejme, multaj perdis sian laboron pro la ŝanĝoj. Mi mem daŭre iris al mia laborejo, sed en reduktita ofteco; de marto ĝis aŭgusto mi laboris hejme du semajnojn, en la oficejo du semajnojn, denove en la oficejo du semajnojn, kaj tiel plu. De aŭgusto ĝis decembro tuj antaŭ la feriaj tagoj de la jarfino mi laboris ĉiutage en la oficejo, sed denove alterne laboris hejme kaj oficeje, sed ĉi foje la daŭro ĉe ĉiu ejo estis nur unu semajno. Estas mirinde pensi ke mi estis en Eŭropo fine de januaro, komence de februaro en 2020. Kiam mi klarigis tion al iu en marto 2020 mi eĉ dubis min dum tiu momento ĉar tiam tio ŝajnis al mi iom nekredebla. Umado eksterhejme estis vere minimumigita. Krom por labori mi iris eksteren por aĉeti necesaĵojn, kaj dum unu semajno mi aŭdacis ferii en junio kaj tiu estis draste malkutima ferio en kiu mi umis publike tre malmulte. Tamen, mi ne povas diri ke la situacio multe ĝenas min, ĉar mi ĉiam estis kaj ankoraŭ estas hejmemulo.
Lastatempe ekaperas novaĵoj pri novaj variantoj de la koronaviruso, kiuj eble estos pli danĝeraj kaj kontraŭ kiuj la nunaj vakcinoj eble ne estos tiel efikaj kiel montriĝis dum la unuaj fazoj de testado kontraŭ la tiama versio de la viruso. Ni vidos kio okazos pro tio. Ankoraŭ ne vakciniĝis multaj homoj pro manko de vakcinoj, kaj nun ke la vakcinoj iĝas haveblaj, oni komencas vidi kiom da homoj hezitas pri uzado de la vakcino kaj malakceptas ĝin. Espereble homoj ne neos la nunajn vakcinojn pro prefero al estonteca vakcino. Tamen, ankaŭ ĝenas la ideon devi ricevi alian injekcion por aldona protektado aŭ entute nova vakcino.
Kien nun?
Ankoraŭ en la unua kvarono de la jaro 2021 malmulto ŝanĝiĝis ekde nia ekfalo en tiun kaĉon. Jes, ekzistas vakcino. Jes, ĝi ekhaveblas. Sed nur ek-haveblas, kaj ankoraŭ ne vaste. Ankoraŭ necesas ke ĝi estu grandskale havebla kaj grandskale akceptita de homoj. Ni ankoraŭ ne havas klaran bildon pri kiugrade homoj akceptas la vakcinon kaj mi jam aŭdis pri multe da hezitemo kaj duboj.
Kio pri somero 2021? Nu, somero reprezentas la pinton de libereco kaj vojaĝebloj, ĉu ne? Se ni almenaŭ havus someron ni povus elteni ĉion alian, ĉu ne? Bone... neniu vere scias kio finfine okazos krom estontecaj ni, sed mi imagas ke, post iom da vakcinado, kaj post jam ege forta deziro “reveni al normaleco”, somero 2021 devos esti pli ĝuebla (laŭleĝe) ol somero 2020. Pardonu min suduloj de nia globo, estas tre malfacile ne paroli pri la jaro laŭ sezonoj. Sed aliflanke, se ĉio ne bonas por la sekva norda somero, eble vi estos la unuaj en la mondo profiti bonan someron ĉar eble la situacio ek-estos bona nur ĉirkaŭ januaro 2022!
Dume, ni profitu kiel eble plej bone la nunon, kaj se vi ankoraŭ ne faris, komencu plani vian vojon al tempo “post la pandemio” ĉar ĝi certe venos. Pli bone esti preta ol esti surprizita.
Monday, October 14, 2019
Kritikoj pri manko de fremdlingva informo dum Tajfuno Hagibis en Japanio
Jen traduk-resumo de lastatempa artikolo1 pri
lingva malfacilaĵo en Japanio pro manko de informo per lingvoj krom la japana
dum tajfuno:
Dum naturkatastrofo ĉu oni vivas
aŭ mortas povas esti decidita pro haveblo de informo kiu venas rapide, estas fidela,
kaj en lingvo kiun oni komprenas. Tajfuno Hagibis surteriĝis sur duoninsulo Izu en Prefektujo Shizuoka en sabato antaŭ ol iri
al la regiono Tohoku kunportante ventegojn kaj rekordajn pluvojn. La tajfuno
troplenigis riverojn, kaŭzis inundojn, kaj almenaŭ 25 mortojn.
Dume, telefonoj senĉese sonoris
kun novaĵoj de sciigoj pri evakuigoj kaj ĝisdatigoj pri la prognozata vojo de
la tajfuno, sed ĉefe en la japana lingvo. Post Tajfujo Hagibis, en Tvitero kaj
en aliaj retaj sociaj medioj oni kritikis la mankon de informo havebla en aliaj
lingvoj. Turistoj raportis, ke estis malfacile trovi informon pri la okazaĵo.
Ili ricevis lokajn sciigojn per poŝtelefono, sed en la japana.
Tajfuno Hagibis frapis Japanion
dum la gastigado de la Mondpokalo de Rugbeo de 2019. La sperto estas averto pri
la bezono de plurlingva helpo dum la okazontaj Olimpikoj kaj Paralimpikoj en Tokio en 2020, kiuj okazos unu tuj post la alia ekde la fino de julio ĝis
frua septembro – dum la varmega somero kaj la tajfuna sezono.
Tamen, la metropola registaro ja
havigis ĝisdatigojn pri la tajfuno dum la tago en diversaj lingvoj, sed
tradukitajn permaŝine kaj per misliterumitaj nomoj. La lingvoj inkluzivis la
anglan, la ĉinan, la korean, la tajvanan, la tagalogan, la malajan, la
indonezian, kaj la vjetnaman. NHK pepis ĝisdatigojn uzante facilan japanan
lingvaĵon, lingvaĵo kiu ne uzas strekajn kanaojn nek kanji-n, dum ĝia internacia
partnero NHK World raportis pri la ŝtormo tute en la angla.
Uzantoj en Tvitero kritikis la
mankon de lingva diverseco kaj mem entreprenis tradukadon de ĝisdatigoj en
malpli konatajn lingvojn, elstarigante ke ne ĉiuj turistoj kaj fremdaj
loĝantoj en japanio parolas la anglan.
La situacio estas interesa. Ŝajnas ke la loka registaro ja klopodis havigi informojn per kelkaj aliaj
lingvoj, tamen ne kontentige. Ĉu kulpas la registaro ke vojaĝantoj (kaj eĉ portempaj loĝantoj!) ne scipovas la japanan lingvon? Mi opinias, ke tio estus
troigo. Sed kiel povus la registaro pli bone kontentigi tiujn bezonojn?
Mi ne vidas solvon por la problemo
kiu ne komenciĝas per aliĝo de la fremdulo al iu servo. Por tiuj kiuj parolas
lingvon kiu nuntempe estas altradukata, la ĉefa problemo estas aliro al la
informo. Do eble turismaj centroj aŭ priturismaj registaraj oficoj povas
subteni pli vastan disvastigon de informo pri la haveblo de tiaj informoj dum
krizoj aŭ naturkatastrofoj. Respondeco aliĝi al tia servo restas kun la
turisto aŭ portempa loĝanto mem.
Kio pri la rolo de helplingvo?
Kompreneble helplingvo povas havi rolon en solvoj por tia problemo se oni dediĉas tiajn rimedojn al la “klientaro.” En tiu okazo, same kiel en teoria adopto de helplingvo kiel studobjekto por infana instruado en lernejoj, la haveblo de parolantoj de la helplingvo estus limigo al tre vasta provizo de tiu servo.
Kompreneble helplingvo povas havi rolon en solvoj por tia problemo se oni dediĉas tiajn rimedojn al la “klientaro.” En tiu okazo, same kiel en teoria adopto de helplingvo kiel studobjekto por infana instruado en lernejoj, la haveblo de parolantoj de la helplingvo estus limigo al tre vasta provizo de tiu servo.
Interesa volontula servo en
komunikado estus ĝuste provizi aliĝintojn per tiaj komunikadoj dum specifaj
tempoj. Ĉu indas fari dependas de kiom da homoj aliĝus. Sed okaze de krizo
aŭ katastrofo, helpi eĉ malmutajn estus grava atingo. Grupo kiu simile agas
estas kelkaj radioamatoroj. Dum krizoj kiam perdiĝas elektra povo kaj kutimaj
komuniksistemoj, radioamatoroj kiuj havas la bezonatan ekipaĵon por funkciigi
komunikadon, ricevas kaj plusendas mesaĝojn por helpi policanojn kaj fajrobrigadistojn en kelkaj lokoj, aŭ individuojn, sendi kaj ricevi informon. Okazoj de
relative mallonge portempa evento estas aparte taŭgaj por volontula laborado
pro la limigita deĵorperiodo bezonata rilate al disdono de informo. Kiel
menciis la aŭtoro de la supra artikolo, la venonta grandskala kaj internacia
evento en Japanio estos la Olimpikoj kaj Paralimpikoj en 2020. Helplingva
projekto pri ia amasa disservado de informo estus interesa, tamen, kunordigo
pri tio devus verŝajne komenciĝi baldaŭ por trafi tiujn datojn.
1 Japan criticized for lack of foreign-language
information during Typhoon Hagibis
14 oktobro 2019
https://www.japantimes.co.jp/news/2019/10/14/national/japan-criticized-lack-foreign-language-information-typhoon-hagibis/#.XaUJS0ZJFaQ
14 oktobro 2019
https://www.japantimes.co.jp/news/2019/10/14/national/japan-criticized-lack-foreign-language-information-typhoon-hagibis/#.XaUJS0ZJFaQ
Saturday, July 21, 2018
Perdita Sen Vi
Jen, alia kanto-traduko. Ne necesas multon diri. Mi simple tradukis ĝin ĉar mi ŝatas ĝin. Fakte, la traduko estas tre simpla ĉar la vortoj de tiu kanto tre similas inter la hispana kaj Esperanto.
La kanto estas de Ricky Martin.
Mi ankaŭ provizas vin per PDF-dosiero kun la traduko.
La oficiala kanto ĉe JuTubo
Komentoj, demantoj, kaj traduk-petoj estas bonvenaj!
La kanto estas de Ricky Martin.
Mi ankaŭ provizas vin per PDF-dosiero kun la traduko.
La oficiala kanto ĉe JuTubo
Komentoj, demantoj, kaj traduk-petoj estas bonvenaj!
Sunday, April 8, 2018
Kradvortoj en Esperanto
Sociaj retoj estas tre amuzaj kaj foje utilaj. Ili iĝas komunuma ilo dum momentoj de krizo kaj foje eĉ tutmonda ilo por homaj rajtoj por ne bone konataj situacioj. Eĉ en la kampo de sociaj retoj la demando de lingvoj estas enplektita. Oni povas trovi informon nur en la lingvo en kiu oni serĉas. Kompreneble, se io ne ekzistas gxi ne estos trovebla.
Mi proponas, ke ni uzu kradvortojn en esperanto kiam tio estas taŭga kaj trafa. La plej ofte utila ŝanco uzi kradvortoj temas pri nomo de urboj kiam ili havas esperant-lingvan literumadon. Tio ne ĉiam okazas, kaj ne ĉiam necesas, sed se ĝi ekzistas tio povas helpi la disvastigon de esperanto. Por multaj homoj, la ideo de al lingvo esperanto povas esti utila por turismumi. Se tiuj homoj vidas, ke ĝi estas tiel uzata eble ili pli verŝajne interesiĝos pri la lingvo. Por homoj kiuj jam decidis eklerni, estas amuze kaj viglige simple trovi esperanton en al reto - kaj homoj aparte ŝatas sociajn retojn.
Se vi kreos kontojn kun la celo disvastigi informojn en ties koncerna regiono aŭ lando ne forgesu, ke ekzistas multaj krom la plej bone konataj ĉe vi.
La plej konataj ĝenerale laŭ mia scio estas:
Twitter, Instagram, Wechat, Snapchat, Renren, Youku, QQ, Weibo, Line, Mixi, Kakao Talk, Facebook, kaj YouTube
Estontece certe aperos novaj kaj malaperos kelkaj en tiu ĉi listo.
Uzu kradvortojn laŭ la ebloj kaj reguloj de via socia reto se vi komentas pri la jenaj urboj. Mi ne proponas anstataŭi alian lingvon, simple aldonu kradvorton en esperanto.
Kaj kio pri via urbo? Ĉu vi uzas esperantan kradvorton por ĝi? Komentu!
#Novjorko en Instagram
#Novjorko en Twitter
#Bostono en Twitter
#LosAnĝeleso en Twitter
#Parizo en Twitter
#Parizo en Instagram
#Bonaero en Twitter
Foje la esperanta versio de urba nomo koincidas kun la nomo en alia lingvo. Eble eĉ pli bone...
Mi proponas, ke ni uzu kradvortojn en esperanto kiam tio estas taŭga kaj trafa. La plej ofte utila ŝanco uzi kradvortoj temas pri nomo de urboj kiam ili havas esperant-lingvan literumadon. Tio ne ĉiam okazas, kaj ne ĉiam necesas, sed se ĝi ekzistas tio povas helpi la disvastigon de esperanto. Por multaj homoj, la ideo de al lingvo esperanto povas esti utila por turismumi. Se tiuj homoj vidas, ke ĝi estas tiel uzata eble ili pli verŝajne interesiĝos pri la lingvo. Por homoj kiuj jam decidis eklerni, estas amuze kaj viglige simple trovi esperanton en al reto - kaj homoj aparte ŝatas sociajn retojn.
Se vi kreos kontojn kun la celo disvastigi informojn en ties koncerna regiono aŭ lando ne forgesu, ke ekzistas multaj krom la plej bone konataj ĉe vi.
La plej konataj ĝenerale laŭ mia scio estas:
Twitter, Instagram, Wechat, Snapchat, Renren, Youku, QQ, Weibo, Line, Mixi, Kakao Talk, Facebook, kaj YouTube
Estontece certe aperos novaj kaj malaperos kelkaj en tiu ĉi listo.
Uzu kradvortojn laŭ la ebloj kaj reguloj de via socia reto se vi komentas pri la jenaj urboj. Mi ne proponas anstataŭi alian lingvon, simple aldonu kradvorton en esperanto.
Kaj kio pri via urbo? Ĉu vi uzas esperantan kradvorton por ĝi? Komentu!
Listo de urboj laŭ kvanto de turismo dum la lastaj jaroj
Listo de urboj laŭ loĝantaro
| अहमदाबाद |
#Novjorko en Instagram
#Novjorko en Twitter
#Bostono en Twitter
#LosAnĝeleso en Twitter
#Parizo en Twitter
#Parizo en Instagram
#Bonaero en Twitter
Foje la esperanta versio de urba nomo koincidas kun la nomo en alia lingvo. Eble eĉ pli bone...
Listo de la supraj urboj laŭ alfabeta ordo (en esperanto)
| अहमदाबाद |
Subscribe to:
Posts (Atom)